ثوب الكودري

الفتنة اللي قد خذاني بحرها
كني بهواها ماشيٍ للحتوفي

أسهر مع الذكرى واقلّب صورها
ودموع عيني على خدي ذروفي

الناس تحكي بالمعاش وقدرها
وانا وثوب الكودري مع ظروفي

يشكي جسدها للقدم من نحرها
يالعن أبو الخياط ماله وصوفي

استوطن القرن الافريقي بخصرها
وأرض الخليج بصدرها والردوفي

وتماوج  "البحر الطويل"  لظهرها
"لذة غرق"  بأوصافها يا حروفي

تمشي " تبختر" كالأميرة  بقصرها
مشي الأصايل على ضرب الدفوفي

بنت القروم اللي غزيرٍ مطرها
اللي خذوها بجودهم والسيوفي

قولوا لها : روحي تزايد خطرها
ودواي وصلك ياغناة الوصوفي

قولوا لمنهو بالمجالس خبرها
سوي بمنهو ذاب فيك معروفي

من يوم صدتك والمشاعر نحرها
وأعلنت عن دنيا المحبة عزوفي

لا تاخذيني بكذبةٍ.. مختصرها
(لا تمشي بين عفيدلي والجروفي)