انتظر لحظة

لـ سعود بن محمد رشيد الذكرى، ، في الغزل والوصف، 101، آخر تحديث

انتظر لحظة - سعود بن محمد رشيد الذكرى

انتظر لحظة فرح فيها اجيك
انتظر وقتً يحن وارجع معاك

صار فيني القلب يوصيني عليك
وصارت الأقدار تاخذني ل هواك

ليلة مرت كنت احلم في ايديك
قمت ملهوف اتبسّم في خفاك

كنت اكذّب حكي معشوقٍ يحيك
لين شفت العشق مخلوق ب سماك

صار مشواري درب عبدالله المليك
وانعطف قلبي بعد هرفي وجاك

تدري ان البدر يكمل في عينيك
وتدري الشرقا تشرق من شفاك

الوفاء واخلاص وساسه يرتجيك
وانت ترجي قلب يرجي مبتغاك

بس أنا بسأل قلبٍ يعتنيك
والا بنشد شي ممكن ياملاك

هو صحيح اعروق قلبي تنتميك
والا ان الروح فيني احتواك

وش هواك اللي تحسه ويش فيك
وش ترد الحين للي قد دعاك

كان ردك روح ابعد ماأبيك
وكان ردك عين قلبي انتهاك

اجعل اللحظات عام (ن) واحتريك
وأوقف الساعة تمضي مع سواك

امنع المعشوق عشقه وانت هيك
واجبر النسناس هبّه في نعاك

احكي للأمطار في وقتً وشيك
تنتخي بالمزن وتغسلّي شقاك

© 2024 - موقع الشعر