في ما مضى

لـ ، ، في قصائد اخرى، آخر تحديث :

في ما مضى بالشعر كنت أمتوفي
واليوم في بحوره أجوب وأعومي
مدري يسمى موت وإلا أمتخفّي
وإلا يسمى عقل بوقته يهومي
تبغى الصراحة صرت لوقتي مقفّي
وصرت أنا للشعر بجوّه أحومي
أروف صغر الحرف وعقبه يرفّي
وأزم جزل القاف وينهض يقومي
هذي هي الدنيا تدور وتلفّي
وهذي هي الناس تبيع وتسومي
أحدن ترى بالشعر يطيب ويعفّي
وأحدن يدنس حرف بطاري الرخومي
وأحدن يخلق الشعر ووزنه مكفّي
وأحدن يلم الخلق وياكل لحومي
وأحدن بليا شعر شفته موفّي
وأحدن كريه الذكر وعكس السلومي
وأحدن ياليت ألحين يكف ويهفّي
وأحدن عسى ربي يجيب ويدومي
وأحدن سعى للخير وشره مجفّي
وأحدن كسره الوقت وهمّه ضيومي
وأحدن حبيب الروح وشوفه يدفّي
وأحدن بلاه الوقت وربعه ظلومي
وأحدن سهير الليل توجّد تغفّي
وأحدن خليّ الهم وغارق حلومي
وأحدن مع الجلاس بخبثه يزفّي
وأحدن قرم رجّال مجنب هلومي
لبيه ياللي يبرد اليوم شفّي
اللي ترى ذكره يزيل الهمومي
محمد صلاة الرب لروحه تحفّي
محمد شفيع الخلق يوم القيومي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين