شفت وسمعت وهاجس الشعر درّج
والمهملات الطارفه مالها درج
راع الهروج العوج ماينتهرّج
والمال مايقناه من ينفض الخرج
والطيّب اللي فالحرج ماتحرّج
في كل قاله شامخ ٍ كنه البرج
شيخ ٍ على درب الردا ماتدرّج
عن منهجه ماصغوه نقالة الهرج
لليسرمن دوامة العسرخرّج
ناس ٍ يصوغ احوالها صوغة الجرج
ياكم لمضنوك ٍ من الضنك فرّج
تشهد لابو سلطان قوم ٍ ورا ترج
من مدرسة حرز القبيله تخرّج
مسلط سراج الليل وأن خبيت السرج
ياما على رخم الطوابير حرّج
لاثارت الهيجاعلى الموقع الزرج
يروي شبا الهندي وحد المزرّج
لاجن بهلهن الرمك كنهن عرج
وليادبحن وخرالمثابيرعرّج
بين النمش والشلف ومثولث الدرج
ياماثنافوق الحصان المسرّج
واستلحق التالين فالماقف الحرج
كم فارس ٍ يوم السرايا تزرّج
من كف زيزوم السرب فاخت السرج
يوم به العذرا تصيح وتبرّج
والصافنات من الوغا نصفهن مرج
وترعابه العرا ضواحي مدرّج
وأن سندة يرعابها يمة العرج
ومن الرحاويسار لين يتفرّج
في جفرة الصاقب وياصل بها الخرج

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين