تعالوا نسولف ... - حمد بن توزان

تعالوا نسولف مع بعضنا البعض بسكات
يازين الحديث بصمت وسكات يازينة

ولا يسمع الحاسد ولا يسمع الشمّات
وراعي الردى نقهره بالصمت ونهينه

وناخذ بصمت سكوتنا مع بعض سجّات
ونضحك عسى الله يقطع الهرج وسنينه

كلامٍ يجي مابيننا البين بالشكّات
وكلاً طرد هرج وسوالف محاكينه

ترى الصمت هرج ويعتبر في بعض الاوقات
وناسه وسلوة خاطرٍ في مضامينه

وإذا الصبر من عقب التعب فارج الشدّات
ترى الصمت حكمه وأكثر الناس شارينه

وأنا بعتبر صمتي ترّفع عن الزلات
يامحلاه في بعض المواقف ويازينه

© 2024 - موقع الشعر