سعاد بانت

سعاد بانت ولا ادري ليه ما بانت
الا بقلبي واحاسيسي ووجداني

ما ادري لها فرصةٍ فالعمر ما حانت
والا المفارق على قول المثل حاني

علمي بها وافيه فالحب ما خانت
ضحّت بما تملكه كله على شاني

فان كانها بالغلا باقي كما كانت
بارخص انا في رضاها نون ألاعياني

لها عليّ عهد لو عن واقعي غانت
ما انسى وفاها معي لو كان تنساني

وان كان في وصلها الاحوال ما زانت
باقول انا بيت لو تختل قيفاني

ياليتني متّ والا ليتها ماتت
اهون ولا اشوفها معْ واحدٍ ثاني