الضمير المسـتتر

لـ فهد المنصوري، ، في الانشاد والشيلات، 48، آخر تحديث

الضمير المسـتتر - فهد المنصوري

الضمير الحي قال لصدري الضايق عليت
منت لاقي في غصون العرعره فيّ وذرى

والضمير المستتر يقول دوب انك بديت
اصبر شويه وحنّا فالتعب معك اخشرا

ومّا انا والله من كثر التهاويل اكتفيت
ماعلى المقفي حسوف ولاعلى المقبل طرى

‫صرت مثل اللي تعلم له سواقه في ونيت‬
كلما سنّدت به قدام يرجع بي ورى

لاطلبت الوصل منك يضيع كله كمبليت
من غرورك تحسب العالم على بابك سرا

وان زعلت وقمت اعاتب قلت والله مادريت
انك ابتزعل عليه والزعل فيك افترى

لي متى وانا على ذا الحال ببقا ما نتهيت
يا تعدّل وضعك الحالي معي ولأ ترى

بنهي القصه معك ، واسوّي لحبك Delete
وانت ف الثنتين فكّر يا حبيبي واخترا ✌🏻

© 2024 - موقع الشعر