هاجوس الضمير

لـ فالح فرج القحطاني، ، في غير مُحدد، آخر تحديث

هاجوس الضمير - فالح فرج القحطاني

الا يالله ياللي تقبل التوبة من اللي تاب
إله لا سواه احق منه بالعبودية

هزم الأحزاب وانزل في كتابه سورة الأحزاب
له التوحيد سبحانه تعالى بالربوبية

تغفر اذنوبي وترحمني برحمتك يا وهاب
وتكتب لي من الحسنات ما كفر به السية

وجملني مع الاجناب أجمل موقف الأصحاب
وهب لي من لدنك الصدق والإخلاص في النية

بعد ماقام هاجوس الضمير وشرع الابواب
وجاته شرد القيفان خياله ورجليه

بسرج من بنات الفكر قباء تلحق الطلاب
على هقواتي اللي هاقي ٍ فيها رهاوية

وابكتب مايثير الصمت في الجمهور والاعجاب
نوادر مفردات كأنها الياقوت منقية

ولبسها بعد ما توجت بحليها جلباب
وادرجها على كف وقدم حاجة طبيعية

وبمهل للخيال اللي سرح في جوه الخلاب
لعله لا رسم لي صورة تطلع حقيقية

وأنا عرف الحقيقة واتجاهل وابذل الأسباب
لكن يمكن لعل وياعسى فية احتمالية

هلابك يالأمين اللي تمثل مجلس النواب
تراحيب الوفاء والطيب مربوعة و مثنية

لك العذر السمين ولا عليك من الملام اعتاب
ما دام المرحلة ما بين فصلين انتقالية

لكن المشكلة في اللي غدى مابين ضرس وناب
ليا راح أصبح أضحية ولو بيعود عود أضحية

يجنب من بعض الأشياء كذا وأمر الله الغلاب
يعرف أن واقعه ما يهل النفس الفضولية

وبختمها بذكر اللي منزل سورة الأحزاب
إله لا سواه احق منه العبودية

© 2024 - موقع الشعر