منة بخيل

لـ فالح فرج القحطاني، ، في الغزل والوصف، آخر تحديث

منة بخيل - فالح فرج القحطاني

مل عين ٍ كن فيها مع الهجعة قذاه
ما تذوق أمن الكراء لا كثير ولا قليل

لين يذن مذن الفجر حي على الصلاة
وابتداء يومي وليلي مقشع للرحيل

يا وجودي كل ما حرك الغربي هواه
وجد من حده زمانه على منة بخيل

الفقر والدين حاديه من عقب الغناه
والزمان الشين حطه عقب عزه ذليل

وَيَا وجودي وجد عودٍ على حنوة عصاه
من صواديف الليالي مطاوله الطويل

اخر اعياله توفى على نزة صباه
ولا بقاء من عصبته غير جحاد الجميل

وانت ياللي بعدك الموت و اوصالك حياة
والله ان بعدك حقيقة ووصلك مستحيل

الرجاوي خيب الوقت من دونك رجاه
والخفوق اتقول يصلى على جمرً كليل

كل ما حاولت بنساه يتجدد غلاه
ولاني بناسيه حتى بعد عمرٍ طويل

© 2024 - موقع الشعر