وصل الأحباب - خالد بن عبدالعزيز التميمي

ياصاحبي في وصل الأحباب نشوة
لذة غرام تعيشهامع خدينك

تلقى بقربه عن جفاالبعد دفوة
تحسها من يوم يلمس يدينك

كانك تبيهاخذ بالاحضان غفوة
وسط الخفوق الي غرامه رهينك

هات الوصال نعيش في الحب صفوة
واقدم على درب مشيته لعينك

لجلك رقيت جبال واشرفت ربوة
ضميان محتاج ارتوي من معينك

بيني وبينك مابقى غير خطوة
كمل خطى المشوار بيني وبينك

مشيت لك كل المسافات حفوة
مشتاق لمعانق غلاك وحنينك

وان كان لك فيني مرام وشفوة
عجل على المشتاق في خطويتنك

مد الوصال بوطي الاقدام جفوة
وامسك يدين مصافحك في يدينك

واحذر يصير لمشي الاقدام كبوة
سرعة خطا سير الزمن ماتعينك

في وقفتك عن خطوة الشوق هفوة
تتيه فيها مابقى من سنينك

خالد
© 2024 - موقع الشعر