يا محلا الجلسة مع رفقة اصحاب - عبدالرحمن الجربوع

يا محلا الجلسة مع رفقة اصحاب
اصحاب عزٍ حازوا الطيب وافي

شادوا مع ركب المحبة والاطياب
وازكوا حياة الربع في ودِّ صافي

من فوق غرمولٍ ما شدوا به اطناب
له رملة حمراء سجَمها نوافي

في سمرةٍ من حول نارٍ ومحطاب
والنارِ يرقبها من البعد لافي

مع نسمة تمشى الهوينا وتنساب
قرقوفها يبري الجروح النزافي

صوره حكت من حسنها زين الاحباب
في ليلة بدره فضح كل خافي

هذي حلاة البر مع كلّ ترحاب
يلبس على النفس الحزينه عوافي

© 2022 - موقع الشعر