ياطلعتن للبر في رفقة رجال

يا طلعتن للبرّ في رفقة رجال
…………………مع دلتن فيها المباهير فاحت
 
 
 
لاغيّمت بالجوّ واتزيّن الحال
……………… شفت المواتر كيّمت لين صاحت
 
 
 
هدوّ هموم البيت نسوان وعيال
………………. واتسابقوا لا من ذرا الغيم لاحت
 
 
 
شوف المخيم لا بدا نور شغّال
………………. بين الطعوس الي من الخير شاحت
 
 
 
شوفة حبيب الروح بوحبة الخال
……………….. لامن توارت في حياها وراحت
 
 
 
واتجمّعوا حول الحطب قال ذا قال
…………….. واسمع سواليف البشر لا استراحت
 
 
 
متقزّرين الوقت في سيحة البال
………………متكمكمين وريحة السمْر فاحت
 
 
 
 
صحبة رجالن مثلهم مكسب وفال
……………… ماهي شموعن نورّت ثم ساحت
 
 
 
هذا ولد عمك وهذا إبن خال
………………. كل الخواطر من سلاها وباحت
 
 
 
الله على بنتن تمشّت وتختال
……………… دبّابها ما طاعها يوم ناحت
 
 
 
الله على ذاك المخيم والآثال
……………. وذيك الطعوس اللي بها الجيب جاحت
 
 
 
هذي دقايق مالها ند ومثال
……………. كل الهموم اللي على البال طاحت
 
 
 
 
وسلامتكم
 
 
 
اخوكم