الحب الصادق

اصدق من اخبار القصص والروايات
واقوى بلاغه من كلام الرواتي

واعذب من بْحور القصايد والابيات
واجمل من الورد بْزهور النباتي

حبٍ رسم له في خفوقي علامات
طاريه بدرٍ في سماءْ ذكرياتي

ياصاحبي رغم الاسى والمعانات
ما انساك لين تحين لحظة وفاتي

حتى لو انك قلت بعض العبارات
ونزعت بيّدك غصب روح امنياتي

ان كان انا غلطت فالعمر غلطات
حبك بدون جْدال غلطة حياتي

عيْشتني بعد الامل في متاهات
وقطعت من كفي حبال النجاتي

ردي عليك اقول هيهات هيهات
بعد الغلا ليه الجفا ياغناتي؟

حتى ولو إنّا قطعنا العلاقات
وْصرنا عقب ذيك المحبه شتاتي

حبك بقلبي فوق كل اعتبارات
وانتي بعيني غير كل البناتي

اموت لكن صادق الحب ما مات
تْخلّده لايام بعد المماتي