جو الرياض

لـ دهن العود، ، في غير مصنف

جو الرياض - دهن العود

جو الرياض اليوم يبري من الكيّ
غيم وسحاب ومزنة(ن) مستهله

والبارق اللي لاح في اعلى السما ضيّ
ينشر ضياه بكل حدب ومطله

هيض مشاعر خافق(ن) ما لها زيّ
واسترسلت من داخل الجوف شله

خابرك يا امي تعشقي الدار والحيٌ
لمن سقته المزن وازهر محله

جعلك في جنة خلد ما يمنعك شيّ
مع والدي واخوي ومن لا نمله

يا الله يا خالق لنا الشمس والفيّ
يا مهون هموم(ن) على القلب عله

تغفر لميتنا وتعفي عن الحي
يا خالق عبادك على كل مله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر