احسبن الصدق دايم ياخذ الرجال بيده‬

لـ فهد المنصوري، ، في غير مصنف، 82، آخر تحديث

احسبن الصدق دايم ياخذ الرجال بيده‬ - فهد المنصوري

احسبنّ ( الصدق ) دايم ياخذ الرجال بيده‬
‎‏‎ولا يجنّب عنه لين يطلّع ( الكذاب ) برا
واثرني طيّب. ولي وجهة نظر عنهم بعيده
‎المنافق ، والكذوب ، وشلتن ما تنّتطرا
اخلفوا هقواتي اللي ماشيه ف الدرب سيده
‎ضاع عمري منتظر منهم وفا . وانا اتحرا ؟
قوم ( ياقلبي ) وهمك والله انه ما يزيده
‎غير مقعادك على الفرشه تقول انك مغرّا
افرد اجناح القصيد وسجّها واكتب قصيده
‎قم تعوّذ من بليس وفي كنف ربك تذرّا
( القلوب المبغضه والحاقده ) مثل الحديده
‎الردا مثل الصدى فيها ليا منّه تجرا
كنت احسبنّ الفرَاسه موهبه تقدر تصيده
‎مخلف الهقوات واللي من مباديه ايتعرا
واكتشفت اني غشيم ابهم واحسبنّي/ وليده
‎‏‎بعد خلوني على هامش خسايرها مضرّا
وقام(جلد الذات)عندي ف الضمير وقلت زيده
‎‏‎واستحت عين (الزعل) بعد (الرضا)مني تبرا
وقال: يارجال تكفى طالبك (صحفه جديده)
‎‏‎خلّك ايجابي . ولك نظره مع العالم تطرّا
لاتظلي من ضروفك صلف وافكارك عنيده
‎ولا تطاوع همّك اللي كلما جا الليل سرّا
هم كذا دايم ( عيال الكلب ) فكرتهم بليده
‎لانتهوا من مصلحتهم . روحوا خلوك برى ‏‎
#فهد_المنصوري
——————
© 2024 - موقع الشعر