كن البحر ، ياخذ معاي ويدي ..

لـ مرضي البلوي، ، في غير مُحدد، 723، آخر تحديث

كن البحر ، ياخذ معاي ويدي .. - مرضي البلوي

على البحر طفشان قلت اعدي
من ضيقتي ويش الذي ماجاني

من ضيقتي واصل تراني حدي
والموت اخذ مني اعز أخواني

احس أنا كل شي واقف ضدي
حزين ، واشكي للبحر واعاني

شاعر ومُبدع بالشعر من قدي
لكن ماتدري عن كثير احزاني

غموض في مزحي معاك وجدي
احاول اخفي عنك وجهن ثاني

ماودي ابين لاحد .. ماودي
تعودت نفسي على ( كتماني )

لو كان نفسي والامور بيدي !!
ماشفتني عند البحر وحداني

أجي من الضيقه وابيح سدي
لاضقت افضفض للبحر تلقاني

كن البحر ، ياخذ معاي ويدي ..
إحساس في هذا البحر رباني

يقول مرضي ليش تحزن هدي
عمر الحزن فاني وعمرك فاني

مثلك انا في جزري وفي مدي
والناس ترمي حزنها بأحضاني

© 2024 - موقع الشعر