ياناقش الحنّاء - مسفر جمعان الصفا

ياناقش الحنا على ظاهر الكفّ
حبك نقشته في كنين الفوادي

غلاك لو باوصّفه ما يوصفّ
لاني احبك حب ما هوْ بعادي

العام اصد عْن الهوى واتعفعفّ
واليوم في حبك موثّق قيادي

من حين شفتك دمع الاشواق ما كفّ
يابلسم جْروحي وغاية مرادي

ما به بشر بعدك عليه اتحسفّ
وغيرك ما يستاهل وفاي وْ ودادي

غاية مناي اصافح الكف بالكف
وْتتعانق الارواح قبل الايادي

*******
صح الله إلسانك يابو احساس مرهفّ

مثلك حبيب وْ مسكنه في فوادي
لو صفوا الاحباب صفٍ ورى صف ّ

ما اخترت غيرك من جميع العبادي
ياصاحبي ماني على الكيف والشفّ

وْ لا عاد فيني للهوى والسهادي
جفت عروقي والهوى بداخلي جف ّ

انا بوادي والمحبه بوادي
لكن دامك باسم غاليك تهتف ّ

لبيه ثم لبيه ياللي تنادي
© 2024 - موقع الشعر