ملكة جمال العرب - مسفر جمعان الصفا

ياحي هذا الجمال وحي ذالصوره
اللي بروعة حلاها تذهل الشاعر

ما مثلها في بنات اليوم غندورة
تفرق على المترفات بزينها الفاخر

يانجمةٍ في سما حبي لها دوره
هي نادره فالوجود وْزينها نادر

اوصافها مذهله والعين مسروره
في شوفها للجمال الطاغي الباهر

مْدلّعه نفسها تقول دكتوره
ملكة جمال العرب في عصرنا الحاضر

حبي لها من قديم ولا خفت نوره
يشع بين الضلوع ويبهج الخاطر

شعشع لها القلب باغصونه وبازهوره
لهفه وشوق وْغرام وْحب ومغامر

© 2024 - موقع الشعر