في حلك .. وترحالك

يمك .. تسير الخطاوي شوق واجيلك
أسوقها .. لين أوردها على جالك

أقبلت .. ظامي.. وشاقتني مخابي ليلك
ي علني ارتوي .. ‎. من بارد زلالك

الشوق.. مني روى ظامي لك
قيظي حداني ... وجيت ادور ظلالك

يممت .. وجهي .. على يمة مواصيلك
بانزلك بالحب .. من قلبك إلى بالك

وابشغلك بينها .. واسكن مظاليلك
حتى ولو غبت .. كني واقف قبالك

حيت افرد الصبح ... واستنشق هوى ليلك
ل ذ عذع الوجد " اسامر" طله هلالك

قل : يا هلا .. وابتسم وعطرني بهيلك
قل: مرحبا .. مد لي كفك وفنجالك

واقول : ابك البقا .. لا يا بعد جيلك
كل المخاليق "حال" وانت.. بلحالك

مني لك الحب .. واخلاصي ومني لك
حرف ابجمعه .. منك وفيك واقرا لك

اني بلا شعور اجي .. واروح .. وامشي لك
بالشوق .. واموت.. واحيا فيك واحيا لك

ومن وين ما رحت ... كل أربع جهاتي لك
منا .. ومنك .. ومنيا .. ومنالك

ان شفتك أدعي .. إذا ما شفتك أدعي لك
الله يحفظك .. في حلك .. وترحالك