أفراح عمري - سعد الحويماني

عيني تشوف اطلال داراً سكنها
والدار موحش والليالى تعلى

راحت لياليها واخذها زمنها
وعفت العذارىبعدها لو صفلى

المهره اللي يوم تلوا رسنها
اقفا بها خيالها مافطن لي

ماشاف دمع العين مني ومنها
بليل الموادع مادرا وش حصلي

كم مرة جابو لحالي كفنها
من عقبها حالي نحيلن مولي

يوم القدر افراح عمري دفنها
ليته دفن وجدي وشوقي وغلي

قولو لها مايوم سجيت عنها
قولوا لها دايم معي مثل ظلي

حبا على الاحساس يامر وينها
لا مانسيته غير لاجيت اصلي

يادار ريحة صاحبي فيك صنها
ذاب بثراك الورد من خد خلي

انا شموخى فوق واقدر ثمنها
بس النصيب اللى خذانى عن اللى

غابت عن العالم وقلبى وطنها
والحظ لا من طاح مايسفهلى

راحت لياليها واخذها زمنها
وعفت العذارىبعدها لو صفلي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر