أودّعه بس نقطة الضعف (أغليه)
لاقفيت غصب ارجع أحسّ اني ضعفْت

يقول وش رجعك؟ وهو قالب يْديه
واقول: صح أقفيت لكن تحسّفْت

أول أروح لبيته ابغى ألاقيه
وإن ما لقيته عند بابه تشوّفْت

ما كنت أخاف بشارعه يومٍ أمشيه
الحين لا مريت مع حارته خفْت

حتى كرهت الحب وإذا حل طاريه
اقول: يا الربع اقلعوا السيره قرفْت

أتذكر اللي غاب ما لي علم فيه
كلما اسألوني كيف حاله؟ تأفّفْت

كفايه اني لا تذكرته . . ابكيه
وأحط يدِي على جبيني واقول افففففت


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر