الضعف قوة

الله يستر هاجس ٍ قد بي سرى
من ليلة البارح وحال القلب حال

دمع ٍ يقر بطارف العين آثرى
ودمع ٍ يهل بمحمله هم ٍ ثقال

ماكل ثوب ٍ غطى جسم ٍ يسترى
بعض الثياب آشف من ضو الهلال

وماكل من شفته على بالي طرى
ما يطري إلا صاحب ٍ لي له وصال

الصاحب إلي خفت لحظة تخسرى
اكيد له ثقل ٍ وبه عز ٍ وجال

صعب ٍ على قلبي اذله واقهرى
لني عرفت ان الخوي سيد البذال

والشخص لامنه حوى صدر الثرى
ثقل الهوايل يشربه كاس الرجال

وإلي بقلبه للردي بعض الدرى
ماطالت الهيبة ولو عدى الوجال

آنا بنيه وعزتي لي مفخرى
املك من آدم في الحياه نصف الخصال

ما ميز إلا حشتمي بين البرى
واخلاق فاحت هيلها وسط الدلال

يا كثر ما اقهر حسودي وانهرى
وامشي بدرب ٍ لي تفاصيله مجال

واصلي معزز بين تصنيف الورى
لني صدى دجلة ودجلة لي مثال

ليا خطيت آبعتبر مما جرى
ما كل انثى تَعتَبر مِما يُقال ..

أسريت في ثوب ٍ تدلى مبهرى
واصبحت مع سجات فكري في جدال

والليل يحذوني ولا قد هو درى
إني وهاجوسي ترا مابه فصال

لبيت عينه دون ماتوعى الكرى
واشتاق له شوق العيوني للكحال

لا صان قلبي مطلبه ماهو شرى
من يرخي إحماله على ثقل المقال ..!

يمكن كلامي بهْ غرور ٍ مُنثرى
لكن جمال الحِل تُكمله الحجال

والحب في قلبي مُداله لا تُرى
ما يكسبه شخص ٍ تعنى للهذال

الضعف قوة في قواميس المرى
وضعفي اشوفه تجربة خوض المُحال