حبيت

لـ سعد الجميري، ، في غير مُحدد

حبيت - سعد الجميري

شوفك هناي وجلستي معك منوه
والقلب يخفق لو على البال مريت

يانور عيني كلي أصبحت فدوه
وكلي غطا ليمن بردت وتغطيت

حبك قصيد وأصبح اليوم غنوه
وكلي تشرف يوم أنا فيك غنيت

لجلك خلق ربي لنا ((نون)) نسوه
يوم الإنوثه بانت بيوم هليت

أنا أشهد إنه فيك كل شي نقوه
وزايد حلاك بزود عما تمنيت

لا ما جبرت القلب للحب عنوه
ويومه طلبني ماترددت لبيت

جيتك حبيبٍ للمحبين قدوه
لولاي أحبك كان والله ما جيت

وجيتك فقيرٍ يطلب الحب ثروه
من باب بيتك جيت لا ما تعديت

وجيتك عزيزٍ وقفته معك عزوه
لي من تعبت من الزمن به تضريت

ياللي غرامك بلسم القلب ودوه
كلي حلالك لو تكرمت ناديت

من قال لك إن الهوى دوم بلوه
ما شفتني يومي هويتك تهنييت

وودي أنادي بعالي الصوت وأقوه
حبيت أنا يا ناس أنا إيه حبيت

© 2024 - موقع الشعر