حبيت خشم الضيق ..! - القاسميه

سلام يابيض القلوب ويالنوايا الصافيه
في وقت كاثر به سواد القلب مابين الانام

سلام يا حسن النصيحه والهروج الشافيه
اللي تقدم للجحود وينكرك بين الحشام

سلام ياوجه الصحيح اللي يرد العافيه
من بين ودرين الوجيه اللي تقديك الحرام

السالفه ماهيب طرق وبيت شعر وقافيه
ولاهيب فلسفة الليالي في دهاليز الظلام

السالفه وجهين تجهلها العيون الغافيه
وان فتّحت تبطي بصيرتها على كشف اللثام

حبيت خشم الضيق ..! لانه كاشفن لي خافيه
وهديت حيل الوقت لاني ماطمع بغير السنام

وشبيت ضو الطيب لو صكات بقعا لافيه
اببتسم واضحك لها وارهي عليها بالسلام

من تجربة جرد السنين وهالحظوظ الحافيه
ايقنت بان الوقت يرمي في تجاربنا سهام

ترما على صدر الليالي والليالي ضافيه
ذاك السواد ولمعته تظهر ولو وقتي عسام

استغرب اليا جاتني مدات وقتي وافيه
واليا نظرت الحظ شفته صايبن خشمه عرام ..!

بالمختصر بالوقت هذا تنتهي به نافيه
ماعاد نعرف له طبوع ولا فهمنا له نظام

© 2022 - موقع الشعر