انا ضـدك

هذا وقلبي معك خليتني ضدك
من شاف ما يكرهه يعاف ما حبه

تلومني والخطايا من فعل يدك
ما عاد لك عذر يالغالي تعذر به

لو عذر عين الندم يسيل من خدك
ما يشفي الدمع جرحٍ داه من طبه

ما جا على البال يا كل الغلا ردك
مشكور يا جارح احساسي بلا سبه

لو كان ودك تجي من يقدر يردك
يا بعد قلبك عن عيوني ويا قربه

إلى متى سيدي ودك ولا ودك
إلى متى وانت تطفي الشوق وتشبه

ما دام وصلك شقا وشلون اجل صدك
وشلون ابفرح بحبك والحزن دربه

وما دام مابه وفا للعشره يشدك
ما ضيك ما اقوى على مدحه ولاسبه

ما ادري انا ضد قلبي اوانا ضدك
من شاف ما يكرهه يعاف ما حبه