والله اني مارقدت الليل كله - احمد بن مطر الهاجري

والله اني مارقدت الليل كله
اسبر نجومٍ لها فاليل ضوحي

من عشيرٍ جعلني من فدوتله
رابطٍ بالجوف له روحه بروحي

ولا هقيت ان الجفا له ماشيله
لين عزمّ لي على الفرقا يبوحي

يوم جاني والله انه مونسله
ضيقةٍ بالصدر ما والله تروحي

وكن وجهه من سبب همٍ يشله
لاتغشى الليل بالوجه الصبوحي

سامعٍ له هرج ماهو جايزله
من عذولٍ يدعيله بالنصوحي

واخلف ضنوني ولاهي بعادتله
واصبح الجدي ولاهو بالمزوحي

وانكر العشره وانا مو منكرله
لو من اسبابه ينقّض بالجروحي

لعنبو من لآم خل بحب خله
ماعشقله بالهوى غروٍ طموحي

لو تسمّعلي فلاني بهارجله
مادرى ان العين للفرقا تفوحي

العشاشيق ادمحو عشرين زله
والردي ماهو عن الزله سموحي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر