انتي الرخا

لبيه يا داري ترا حنا فشق وسط السلاح
لبيه وان صال العدا حنا فدى لترابها

لبيه يا أغلا ملك حنا في يمناك الرماح
اشعل فتيل (ن) للحروب وابشر ندك ابوابها

امر وتلقى سيدي كل (ن) يطيعك بارتياح
لبيه قلناها برضا حنا نقود اسرابها

نرخص لها ارواحنا من اجلها كل شي يباح
حنا لها وايضا لها يا عزوتي ما نهابها

ما همنا قول وحكي وما هزنا ذاك النباح
حنا ندوس ارقابهم ناطى على من عابها

صوت اليماني ينتخى النصر في مقدمنا لاح
من قبل ما تبدا الفتن حنا لها ومن جابها

ابله يقود مهبل (ن) تجمعوا في الاصطلاح
الحوثي والشيعي لضى .. والداعشي زهابها

حنا لكم قدامكم ما عندنا ضحك ومزاح
ناقف في وجه المعتدي لو كشرت انيابها

الحوثي له داعش سند والرافضي بالفخ طاح
افعالكم شر (ن) وبال معروفة (ن) اسبابها

حقد وحسد في قلوبكم ما ينتهي والشر فاح
جينا لكم مثل السعير اللي سرى بعصابها

امر يا سلمان ونجي ندكها دك الرياح
ابشر ترانا ما نهاب حنا اسود بغابها

من دون بيت الله نحول حيا وقوموا للفلاح
إما نعيش بعزنا وإلا دمانا خضابها

هذي البلد مثل الولد دمعتها جرح من الجراح
وش لون لاقامت تون وعيالها من صابها

نرخص لها ارواحنا ونلبس لها العزه وشاح
الارض عرض (ن) لجلها قدنا لجام ركابها

لا تحسبون اللي حصل يشغلنا عن كيد وضاح
ما يشغل الشيهان عن صيده نعيق غرابها

حكامنا ما مثلهم حكامنا دين وصلاح
نحبهم من غير ليه حب (ن) تعدى نصابها

نفداهم بحرب وسلام نفداهم بكل انشراح
في الشده نار وفي الرخا جنة تسيل شعابها

ما هزنا تخويفكم بالعكس زاد بنا الكفاح
حنا السحاب اللي ابد ما ضره نبح كلابها

ما همنا عقل (ن) خلي ولا همنا كثر الصياح
انتم تراكم لليهود اقدامها واذنابها

يا الله يا محيي العظام وجابر الكسر بجناح
نسألك عز (ن) للوطن ينحر جنين ارهابها

وتعز سلمان الحزم رجل (ن) تغنى بالنجاح
هم المواطن والوطن ادمى سبوت اكعابها

وتذل احفاد اليهود شر (ن) على كل البطاح
وتذل حاسد مع حقود وتعز من صلابها

الدار يحميها الولي رب (ن) عظيم ولا يزاح
رب (ن) قوي (ن) مقتدر انزل بمكة كتابها

منهو يخون بلادنا تغيب شمسه فالصباح
ننهيه من أرض الوجود لأنه غزى محرابها

جينا نهني موطني جعله يدوم الانفتاح
كل عام انتي الرخى والعز دوم ثيابها

اسمع يا غافل وش بقول هي كلمتين بكل صراح
الله امرنا في ثلاث نحبها ونزهابها

حب الإله اللي امر نعبده ليل وصباح
رب (ن) كريم (ن) معتلي يعطي بدون حسابها

وحب الوطن شي (ن) عظيم والذ من ماي القراح
واعذب من حروف القصيد اللي تبيح ما بها

وحكامنا آل السعود نحبهم والشوق باح
( اغلى ملك واعظم وطن ) جملة نحب اعرابها