نقطة تجمع - بدرعبدالهادي المفضلي

كل نقطة تجمّع مقتفيها شتات
سنة الله هذي ليش مستغربين

كلنا عابرين بزوبعة هالحياة
وين مدري ولكن كلنا عابرين

شف سنين الطفوله واجمل الذكريات
كله اقفت وحنا بعدها راحلين

الحياة الطويله تبتدي بالممات
نسكن الأرض مع من قبلنا ساكنين

فصل وإن طال عمره طال فيه السبات
وبعد ذا ننولد من بطنها بالغين

بالغينٍ اشدّة مدركينٍ عراة
خاضعين لامر الله مستسلمين

مفارقينٍ حياة ومقبلين لحياة
نقطةٍ دائمه وإحنا بها دائمين

ياعسانا وأنتم من هل الصالحات
وساعة العرض نأخذ كتبنا باليمين

sh33al@ بدر الشمري
© 2024 - موقع الشعر