دمع القصيد

مثل ماكنت امس باقي لاجديد
مركبي مبحر وجوي عاصفه

عبرةٍ تقبل وتاقف بالوريد
وفكرةٍ تنسَف وفكره ناسفه

كل مأكتب بيت ارد امسح واعيد
مهرتي عيت تطاوع عاسفه

الشعور اكبر من احساس القصيد
تعجز حروف الشعر لا تاصفه

دنيتي تمشي على مالا اريد
كل ماحاولت ردت آسفه

والسؤال الصعب منهو المستفيد
لو كواكب كل كوني خاسفه ؟

المفارق نار واطرافي جريد
والعروق بكل جسمي ناشفه

احترق كلي وتسأل عن مزيد
وطاقة التفكير عندي تالفة

والعناد ان زاد شيطانٍ مريد
لاأشتعل يربك عقولٍ عارفه

والغلا في خافقي طفلٍ عنيد
لايطيع ولا يعرف السالفه

يعرف انه له شهر كنه وحيد
ويعرف ان جروح بعدك نازفه

ويعرف اني لاهني ولاسعيد
ويعرف ان دموع عيني ذارفه

وزود يعرف شيء واحد والاكيد
ان رغباتي لقربك جارفه

وياغشى وجه الورق دمع القصيد
يرسم احساسي ومثلك عارفه