العطاء اشكال

لاني حرّه بنت صعبة بالمنال ..
فوق زيف اقوالهم زادو فعل ..

ولاني قلبٍ ماله يدين تطال ..
رددوا عني حكايا من جهل ..

ابذل المعروف مااتبع سؤال ..
اقضي الحاجات لو زاد الحمل ..

اعطي المحتاج وقتي والا مال ..
العطا اشكال ، جبرٍ لو حصل ..

جبر خاطر كلمةٍ فيها دلال ..
جبر قلب من التعب اصبح كهل ..

وانتوا يالاصحاب والا مين قال ..!
انكم اعداء كنتوا بالاصل ..

انغدربي اي نعم عفت الجدال ..
ابتعد مارد لو حزني ثقل ..

اهجر الغدار مااعطي مجال ..
العفو هجران في شرعي عدل ..

دامها دنيا نهايتها زوال ..
عند ربي كل فعلٍ بالمثل ..

وانت لو تسمع من ابياتي ثقال ..
لاتقول اني "اقول" انك نذل ..

انا ماصنفك من ضمن الرجال ..
لا ولا حتى من انصاف الرجل ..

انت ادرى والوعد منك هزال ..
انت ادرى من غدر قول وعمل ..

 ردد حروفي تأن بلا عجال ..
افهم المعنى واقراها دبل ..

انا يكفيني عن اوصاف الكمال ..
اني قلبٍ ما اذلك او أٌذل ..

دام هذا الشعر واقع مو خيال ..
لك ول اصحابي مقرر وكمل ..