مع القمر:

يا علتي ودواي ..أنت الهواء والماي
بعيوني انت الضي.. مالي بدونك راي
أنفاسك أنفاسي.. واحساسك احساسي
وأمرك على عيني..ورضاك هو رضاي
فأنت كل الناس .. يا جوهر الألماس
قدرك على راسي ..وحبك هنا جواي
بيني وبينك شيء.. بين الهوى والغي
ما اشوف بعيوني .. غيرك ولا الهاي هاي
تذوب وانا أذوب.. فكلنا طروب
هنا اقترب أرجوك .. لا تقول: كيف إزَّي؟!
يا عيوني عيونك..بدوني وبدونك
الجو ما يحلى..يا غايتي ومْناي
أحس برد وحر..وأكيد أنت السر
ما تدري؟ أنا ادري!..دعواك في دعواي
بتجي لي؟ أو جيتك..ما اقول: يا ريتك
وإن كنت أنا غلطان؟ .. حقك علي بالجاي
تاخذني النشوة..وياك للعَشوه
ما بيننا تكليف..يعني كذا بالباي
والأنس ويانا .. وياك؟ لا وياي
مع القمر والليل..بعد المطر والسيل
ونفوس مسروره .. على هوى ملواي
مساء الهناء والنور.. والخاطر المسرور
في سهرة السمار..وياك في ممساي
يا ليل يا عيني..من بعد ما ويني؟
صرنا سوى الإثنين..مسعاك في مسعاي
وعزف لنا بالعود..فال السَّعد مسعود
وغرَّد لنا الشادي..مع حلو صوت الناي
والذوق طاب وراق.. والكيف بالترياق
والشوق ضم الشوق.. في محتوى معناي