امي مشت من عندنا

لـ ناصر الجابر، ، في الرثاء، آخر تحديث

امي مشت من عندنا - ناصر الجابر

امي مشت من عندنا يم اهلها
اللي مشوا قبله وراحوا للاحاد

راحت عجل ماريضت في مهلها
راحت بدرب سالك الدرب منقاد

عنا القدر في جهمة الله عزلها
وشعاد لو ننثر بالادماع وشعاد

امنت بالله والنعش هو جملها
شالوه بالامتان عجلين الاولاد

اقفوا بها والعين تنثر هللها
يحول ياللي صار للأم فقاد

الخد تشكي من ادموعي بللها
والصبر خليته وراء الضلع من غاد

عزاه ياللي ترب حايل حملها
وانا بطيبه لاثقل الحزن قعاد

امي ولاغيره ولا القا بدالها
لو دجت في كل الوطا بلاد وابلاد

قليل مثل امي ولا اهنا مثلها
ولاينوجدلي غيرها بين الاوجاد

عساه بالجنه اتنزل احللها
عسى لها بالحوض مشرب وميراد

اطلب عسى المولي بعطفه شملها
عسى لها الرحمه من الرب تنقاد

© 2024 - موقع الشعر