عوق النفس - دخيل بن عبد الجبار العطيوي

ياضايق الصدر هونها ترا كثر العنا عووق
ياكم حملنا التعب فوق المتون احمال عيه
 
اذا بد الليل زاد الهم وامسى القلب محروق
محروق من يوم فايت ما ملا حفنة يديه
 
مدري كسبنا رضى والا تحملنا من البوق
وامست عمايل يديني كلها حسره عليه
 
ماغير هرج القفا واللمز يجرح كل منطوق
مره نعيب العتب ومرار نرميها خطيه
 
نقطف سنابل اسى مابين ذا عاشق ومعشوق
ونجامل الناس واكثرنا معه فكره غبيه
 
وان قلت احلل مواديعي بدت لي رعد وبروق
تخطف وميض البصر من ناظري وامست بليه
 
لو قلت احاسبك يانفسي بدا فوق العنق طوق
ز لات قولي وهمزي ذنب يب يكتب عليه
 
لكن يانفس وش ذنبي مادام انك لنا عوق
ترمين سهمك بصدري لين شب النار فيه
© 2024 - موقع الشعر