ياليت الذكرى - دلان بن مساعد

ياليت يسمح زماني وامسح الذكرى
ياذكريات السنين اظن بحيى بك

لو كان جرحي مع الايام مايبرى
ابقى معك لو اخاف القرب وارتابك

لو الخطاوي تخون الدرب بالعثرى
ماجيت اسج القدم واقف على بابك

الحب عندك رخيص يباع او يشرى
يامدور الحب هذا ناتج احسابك ؟

تعبت من امسي اللي فاقدن بكرا
وتعبت اجاري اركابي واطرد اركابك

يا مبعد الشوح كان الفكر مايطرا
انا قريب الهوى واقرب من اقرابك

لو كان عين الرضا لحوالنا تقرا
ماضاع ذكر السنين بصفحة اكتابك !

لكن عزاي الرضا في ليلة ٍ غدرا
امسيت دمعة طفل يضحك ويبكابك

من علم الدمع ان الخد له مجرى
ومن علم الشوق زاد الجرح بغيابك

ياغايبٍ ليلنا طول مع المسرى
ماتدري اني اعيش الليل بسبابك

ياغايتي لابدا ليلي مع القمرى
ان اسير العيون ورمشة اهدابك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر