ماتنفع الحسرات ياليت !!! - خليفة بن راشد الوالي

البارحه يوم الملا هيوع
أمسيت لا حين ولا ميت

ضاق الصدر فيني ولضلوع
كني طريحن في توابيت

كل السبايب حب دلوع
مثله أنا في الناس ماريت

قالت تفضل ..طحت مصروع
كنها رمتني ولا تشافيت

شخصن فريد اللون والنوع
عدا الجمال وقال عديت

يوم اهمست فكت لي الصوع
قلت اهمسي دامي تسليت

كالحور لا ناحل ومربوع
لا جن لمحها ولا مناعيت

لو شافها شيخن وبه طوع
مسلم ولاله بالطواغيت

خلى الطواعه وصار مقلوع
يطرد و كنه مالعفاريت

فجأه تغير لي بلطبوع
ومن حلميه يا ناس فزيت

وقالت حبيبي بصوت مسموع
شكلك عليه انت تماديت

كنها رمتني بدرب مقطوع
لا شمعتن فيها ولا ليت

قلت انسحب والراس مرفوع
وش لي بدنيا ابها سرابيت

قلبي أنا بالحب مزروع
وياكم أنا ماشوق عانيت

أصدق كلام الحب مشروع
وأكذب كلام الحب مليت !!

وارحل مدام الحب ممنوع
ماتنفع الحسرات ياليت!!

© 2024 - موقع الشعر