كل عقدة يابن آدم ولها حل

ما تضيق الاّ على الخالق فرجها
كل عقدة يابن آدم ولْها حَل
 
لا تمادت دنيتك و ازرى عوجها
أرفع يدنك لربك و ابتهل
 
وان هو استشرى على روحك لججها
أطلبه يفتح لك ابواب الأمل
 
واسأله ربي يفرّج ما اختلجها
روحك و تلقى السعادة لك محَل
 
لا طغى هَمّك على الروح ورهجها
بالولي الله توكّل و اتّكل
 
بأمره الدنيا تسير بمنتهجها
والجروح برحمته لك تندمل
 
تسري همومك تعوّد في درجها
والحزن من روح روحك يرتحل
 
تضحك سنينك وروحك تبتهجها
في رجا ربي حياتك تسفهل
 
تنعدل لك دنيتك يقفي سمجها
تسعد ايامك و هَمّك يضمحل
 
في يده ربي يعجل في بهجها
في يده جُمْلة أمورك تنعدل
 
في يده دنياك من نوره ولجها
في يديه اللي حصل أو ما حصل
 
كل ما ضاقت على الخالق فرجها
وكل عقدة يابن آدم ولها حَل
 
بن رتيق