بعد حَيّ

فزّوا لها نشوة غرامي بَعَد حَيّ
من خافقي و الروح معها مشابيك
 
من هي تطَوَّت مهجتي يا ملا طَيّ
وامسى خفوقي و المشاعر مرابيك
 
يوم اقبلت في مهجتي نَوَّرْ الحي
وامست شوارعنا نهار و تباريك
 
أبرق شعاع عيونها و افترت بيّ
واستوقدت في نون قلبي أتاريك
 
تمشي غنج في مهجتي واسرفَت فْيّ
تتمايلك يا قلب دايم و تلويك
 
سنيورة احداقي سنى النور والضيّ
فوق المشاعر مشيها تيك . تَك تيك
 
ما مثلها عذرى ولا زيّها زَي
رقّة نعومة دلّ تهمل و ترويك
 
حوووريّتي جوووووريتي دنيتي هيّ
ما غيرها يالخافق الصب تغريك
 
فورة ملامحها لوَت مهجتي لَيّ
وعيونها في عالم الوجد تغويك
 
لا قبلها أو بعدها قد صفَت ليّ
أوهو طرى في خاطري غير هَذيك
 
كل البنات ولا يشابه لها أي
لا ذي . ولا ذي . لا ولا ذي ولاذيك
 
ترفَة أميرة درّ يا حَيّ يا حَيّ
ثورة حلااااا والحي ياااااا حيّ يحييك
 
ماجد بن رتيق