يا معانده

في ذات معذول الوفا سِتر الطليق اللي وثيق
لا استفزعه حيل الجفى ولا بقى يرثيه خوف

تغرّبت وسط الدفى دمعه على حزني تريق
وطْي الحوافر جاسها وَلا نخت سلّ السيوف

يا باسقه بين الجروح لويتي اذراع الصديق
يا معانده كل البشر ماتملي اعيونك صفوف

ماسرني حرف القصيد الي بدعته وبي يليق
ولا غمنى نزعه عدو يومه على موتي يحوف

ياخاينى عمر الغدر ماعز في حبي رفيق
لا مالحقت نفسي على غدار بدنات الحسوف

كل الدروب العاتيه ما جابت بدربي عشيق
حتى المشاوير انتهت ولا بقى لمثلي سهوف

فديتنى مثل الوغى أوفارسك قرمن عريق ..؟
خذلتنى وعمر الزعل ما جف في قلبن عطوف

ياليتنى ماكنت لك يدن على فسحه وضيق
ياليتها تقطعت قبل تقوم ابها الكتوف

ضامت يا وجعات السما ياحرِ بقلبي طليق
وشهى ظلوعي لحبست سرٍ تثرْثِرْه الضيوف !