فلك فلك

فلك فلك يامرحبا بك ملايين
فلك فلك من بعدها صرت خاله

طلت ع الدنيا ف تسعة وعشرين
وأستبشر العالم وزادت جماله

انتي الحلا انتي الغلا انتي الزين
كن البشر وحده وزينك لحاله

طفله وحبك قد جرى بالشرايين
هاذي الفلك ماكل واحد يناله

امك لها بالطيب ذكر وعناوين
وابوك محمد عسى الخير فاله

قالو نبي منك من الشعر بيتين
والحرف مايصعب علي إرتجاله

فلك فلك أصبحت ف حبك رهين
فلك فلك عالم وواسع مجاله

لو يضيق الكون والدنيا تشيين
شوف الفلك والنجم حوله تلأله

هذا الفلك اسرار من ماضي للحين
لله سبحانه وعظمة جلاله

وصلو على المبعوث بالشرع والدين
على النبي اللي بعث بالرساله

الشاعره جود الجنوب.