ياعمري الي منتظر لك سنينه - جود الجنوب

اليوم ابرسل واعتذر منك يا زين
ما فات فات وحقكم طالبينه

وجودك بقربي يساوي ملايين
المعذره والعذر جاكم بحينه

امجاد يا بنت الشيوخ المسمين
اهل الكرم كاسبين الثمينه

انتم عن الوصف الذميم محشومين
وتاريخكم كل البشر خابرينه

نبي التسامح مانبي الجيم والسين
ونعرض عن الي فات زينه وشينه

امجاد اخت القلب فالعسر واللين
والي نقوله كلكم شايفينه

مافيه غيرك ساكنن بالشرايين
ومعناي واضح والعرب فاهمينه

والله انك فرحة القلب والعين
يا عمري الي منتظر لك سنينه

يحميك ربي من عيون الشياطين
يا مترفه يا ملهمه يا رزينه

وصلو على الي بين الحق تبيين
عداد مزنن هل وابل غشينه

كلمات الشاعره / جود الجنوب
© 2022 - موقع الشعر