فات الآوان. لـ جود الجنوب

فات الآوان - جود الجنوب

كيف يومك؟ مر دوني ولاقلي وشهو صار
كيف حبك كيف عشقك كيف جرحك والانين

اذكرك يومي تركتك صار وسطك انكسار
شفت اني كنت لك وانت تاركني سنين!

كنت تتعبني بفعلك دمعي من طيفك يغار
كنت لك فرحه كبيره وكنت لي ماضي حزين

كان يتعبني غيابك عشت بعدك في احتضار
كان يتعبني برودك يوم اجي وكلي حنين

ضاع عمري بين صدك وبين لحظات إنتظار
كنت احتاج اهتمامك لو بكلمة انتي وين ؟

مات حبك من خفوقي وانا مليت الحصار
وقد ما احاول اكابر جرحي في بعدك يبين

الحين راجع وش تبي؟ عقبك جروحي كثار
جاي تطلبني وتهتف ياجود ابغاها تزيين ؟؟!!

الشاعره جود الجنوب.

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.