لا باس يا عيني - دهن العود

سلامتك يا محزمي والعمامه
سلامتك يا (بدر) من كل عوماس

سلامتك مع ورد فل وخزامه
سلامتك يا تاج راسي والاوناس

طهور ما صابك عساها غمامه
لا باس يا عيني طهور(ن) ولا باس

يشفيك ربي يا بعد كل هامه
جعل الولي ياقاك ياطيب الساس

جعلك بخير وتهتني بالسلامه
من اسفل اقدامك الى قمة الراس

يا ( بدر ) يا راس الكرم والكرامه
من صغر سنك لك معزه ونوماس

الطيب لك ورث(ن) وترقا سنامه
والمرجله نيشان حزته عن الناس

ابوك ( عبدالله ) رفيع المقامه
بالطيب والله والكرم ماله قياس

شيخ(ن) نشا بالعز يقضب خطامه
شهم(ن) كريم ولا عرف درب الادناس

وانته شبل من ذا الاسد ما يضامه
يا بدر تسلم لي وتفداك الاجناس

© 2024 - موقع الشعر