انطق تكلم حس

وش فيك متضايق عسى ماحصل شي
ماعاش من ضايقك ياعيون خلك

صوتك من الأهات في نبرته كي
وضيقتك هذي ماهي بعادة لك

انطق تكلم حس في موتة الحي
مابيك تسكت والليالي تذلك

راع العيون اللي سقت رمشها مي
لاعل دمع هلته فدوة لك

شف نار صمتك احرقت من بغى الفي
قلب رجا باقي حياته بظلك

مابي غموضك يكفي اللي حصل في
قل لي عن سكاتك وش اللي حصل لك

اضحك عن اللي تكتمه وانطق شوي
شتت حزن قلب عجز لا يملك

تكفى عشاني لايجي بخاطرك شي
ترى عذابي منك لاضقت كلك