زوّال الكـرى

ماتغثك غير طعنه } من قريب
ماتجيك إلا بظهرك من ورى !

لو تفيد الجرح لمسات الطبيب
كان عالج كل جرح ٍ ~ مابرى

أشهد إن البعد يجعل لك حبيب
وأشهد إن القرب } زوّال الكرى

وأشهد إن الجوف لو كلّه لهيب
ماحد ٍ صاير على جرحك ذرا

القمر لو طول عمره ~ مايغيب
ماتغزل في طلوعه ؛ من سرى

يارفيقي ؛ لا تونْ من المصيب
خوفي العذال تعرف وش جرى

أشهد انك ياولد ؛ نشمي وذيب
والذيابه جرحها } ما ينطرى !

خل مابينك وبين الناس ؛ سيب
قبل لا يصير الحزن وانت خشرا

لو تكون النيه أبيض ، من حليب
شوهوها ؛ وألحقوها ، بالزرى !

ولا تغرك ؛ كل ديره ،، يالحبيب
لو كثير ٍ عشبها ؛ ماهي مرى

ولا تقول إني مع العالم } غريب
الثمين ؛ بكل ديره ~ ينشرى

والرجل لا طاح ؛ وأرداه النصيب
الشجر يطلع من أعماق الثرى

الوكاد البعد } يجعل لك حبيب
وعلم ألي في حياته ؛ مادري !

إن تكلمنا !! من الوقت الصعيب
وإن كتبنا } يستفيد الي قرا !