لندن وتكساس - سحايب العازمي

هاجس بلا معنى ولا ذرة احساس
توه مع الدافع يروض خيوله

يابى يتعالا يكسب العز والباس
على حساب الغير هذا حلوله

لا فكرتن ياملك كذا يزفر انفاس
ايداعب الشيطان هذا ميوله

يتوه بالاحلام مع كل مرواس
ورفعت نفسي عن كلامن باقوله

واذا تجاهل الامر اه لاباس
يمكن تصفق له خبولن جهوله

ماينظرون الصح والفكر منداس
اعقولهم مثل البغال امحموله

انظارهم محدودتن حد الاقواس
يشرون ويبيعون بارخص عموله

وناسن تفكر كيف لندن وتكساس
وناسن تضيع أفكارها بالسهوله

ماني لثياب المهابيل لباس
ولا كل شخصن يلبس الثوب طوله

افهم واميز سلعت الدر والماس
وأعرف جميع اللي تبي مانت حوله

أبعد من الممشى على المتن والراس
ابعيد بعد اللي تبي ماتطوله

© 2024 - موقع الشعر