ياالله يامعطي العطايا بلا من
ياميسر ٍرزق ٍتهوّن مساعيه
رازق طيور ٍبالخضيرا يحومن
من معتلا جوه للارزاق تدعيه
والذيب لارزاقه شبوح ٍتهين
غصب ٍمن اهل المال رزقه تهييه
يارازق الحيوان والانس والجن
يارب مخلوق ٍفلا انته بناسيه
بذل السبب يبغا والارزاق يسعن
ولا ينقطع رزق ٍعلى حض راعيه
يجي ولودونه حوامن يحدن
مكتوب لك رزقك وحضك يباريه
وان كان عناسود الايام شحن
تبدي مباد الشح والجود تخفيه
يوم ٍمقابيل ٍويوم ٍيقفن
وتمن مد الجود من عقب تعطيه
وبحورهافي كل ساعه يموجنوالشرواسبابه عسا الله يكافيه
وجربت وصف ايامنااللي يمرن
مرالسحاب اللي تقافا مناشيه
الرابح اللي صد قبل يصدن
ترك شقاهاقبل الايام تشقيه
صل الفروض اللي على العبد فرضن
والمال اله حق ٍللاقراب يديه
للضيف والجيران وحقوق يردن
والنذل كثرالشح ماهوب مغنيه
واغنم شبابك قبل الاعمار يمضن
العمر اله حد ٍوالاسباب ترميه
والك المنايا لاحضرن مايردن
وخليت خلانك ومالك تخليه
ولوزال راسك ذكر الافعال يبقن
يبقى وريثك كل فعل ٍتسويه
ورفيقك اللي رفقته ضحكت السن
وأن جالزومك صد عنك بعلابيه
وليابغيته مالقيته على الضن
يبدي معاذيره وتكثرشكاويه
وكثرالتهجم للاجاويد اله فن
كلب ٍعلى شذب المقفي معاديه
يحل في عرض الاجاويد ويعن
هذي نواميسه وهذي مغازيه
هذاك جعل وصوف مثله يقلن
يذيع بين الناس والشريوشيه
جعل العذارا فوق مثله ينوحن
لوكان مايفقد ولا احد ٍ اباكيه
خله لعل ايامه الغبر يدنن
مهماقرب جده وقربن دناويه
ورفيقك اللي للمواجيب لاجن
حيد ٍمحيدوثابتات ٍرواسيه
ياقف مواقيف ٍوالاقدام يرسن
يشفيك بالقاله لياجيت ناصيه
ويشيل حملك لوحموله يجورن
وتابس جهوده دون دينه وعانيه
ويرخص بروحه يوم الاعمار يغلن
وأن جانهار ٍفيه تشهرعزاويه
ليت العمارلمثل هذاه يشرن
وليت المنايامثل هذاه تعفيه
هذاه مادونه دناون يحولن
مثله يقدرني وانا والله اغليه
صاف ٍصفاوطيب المشاريب يصفن
حلو ٍيلذ لمهجة القلب صافيه
وصلوعدد نجم ٍمع اليل يبدن
على بشير ٍ قدوة الخيرداعيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين