سميت بالرحمن وابديت قايل
بابيات شعر ٍمحكمات ٍلحونها
اصخرمعان القاف واحكم بوته
ومنقدين الشعرماينقدونها
مازونة ٍمن كل عيب ٍيعيبها
و من كل نقاد ٍبيوته نصونها
و ان كان ماصخّر بيوته عن الخطا
اخاف من شرهات من يصخرونها
بيوت ٍكمانظم الجواهر نقودها
وتلفت نظر لا فكارمن يسمعونها
وسلام ياحكام نجدالحكيمه
وجيه الصقوراللي حداد ٍعيونها
حكام نجد مطوعة كل عايل
ويدري الحريب بعزوة يشهرونها
عزوة وفابالفعل كل ٍٍٍٍٍٍدرابها
يوم الحرارلعشهاينسبونها
من شجرة ال سعود ظل ٍظليلة
شجرة وفاتلحف حوامي غصونها
وعبدالعزيزاللي رفع عزمجدنا
ارسى قواعد هاوعززحصونها
على ظهورالخيل خاض الجزيرة
وقادالاسوداللي تحدد سنونها
وقبله من العشاق كل ٍيسومها
في صوكهايوم اصطفاقة جنونها
وصارع مقابيس البلا في حبالها
وغيره من العشاق مايقدرونها
مكارة ٍتضجك على كل عاشق
تضحك على عشاقهااللي يبونها
وكل ٍيحايلهاعلى كل حيله
وكثرت بلاويهاومطلب فنونها
وجاهازعيم ٍمايحسب الخسارة
ورضيت بليث ٍيشهرالحد دونها
واظفى عليهابالكرامه هدومها
لوحالوا من سترهايسلبونها
لوانهاقبله من العزعاريه
مسلوبة ٍماباقي الاقرونها
اضفاعليهاسترهاواستلمها
وضاحة مصابيح الدجى في ركونها
بالسيف والقرأن حكمه وعدله
وبالعدل منهج حكمته يارثونها
وعقب استلمهاسعودواصل مسيره
وفي غيبته ماخيب الله ضنونها
راع الامانه في صلاح الرعيه
على العهد وامانته مايخونها
وفيصل تولاهابحكمه وحكمته
زيزوم عسرات المشاكل زبونها
حلال عسرات المشاكل زعيمها
ويفتل وينقض باحتكامة منونها
وخالد عساه بجنة الخلد منزله
معتق رقاب ٍمن مظالم سجونها
معتق رقاب ٍشابكتهاذنوبها
ورى المظالم واهلهايرتجونها
وعقبه فهد فهد الفهود المجرب
عقاب ٍله العقبان ترخي متونها
نادرحرار ٍفاهم ٍفالقياده
رجل الزعامه عارف ٍكل شونها
وعبدالله الضرغام نمرالنماره
شهم ٍشجاع ٍوقفته يعلمونها
له وقفة ٍيوم احتكام الصعايب
يوم الفتن نيرانهايشعمونها
وبدركمابدر ٍجلا اليل نوره
يسرى على نوره من اقطاركونها
ياريس التراث مجد العروبه
تاريخناوامجادناتعمرونها
نفخربكم وامجادنانفتخربها
وسلوم جدان ٍلنايذخرونها
مذخورهم طيب الكرم والشجاع
لوتابس الارياق مايرخصونها
لوشلهبن عسرالليال الشدايد
للظيف فالشدة كبار ٍصحونها
وعاداتهم دين الوفاوالكرامه
كل العوايدبالكرم يحفظونها
وناعرب وامجادنامستمده
عادة وفاعندالعرب يمسكونها
مانرخص العادات باللين واللقسى
لوحاولوبعض العرب ينسخونها
لوحاولوعنهاتقاليد غيرهم
يوم انهم بالفعل مايقدرونها
ياملقد الغرب القبيحة وشرقها
ورى ليوث الغاب ماتقلدونها
اقوله وانامن لابة ٍنعتزيبها
عتيبة وتعرف فالملا قى طعونها
وصلوعلى المختارخيرالبريه
على النبي عدةروايح مزونها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين