من يوم شفت الرسوم ومنزلو خالي
مقف ٍ ضعنهم وباقيت ٍمراسيمه
جاين لهم مع رقاق الحزم مجدالي
والبيت مصكوك ذاريته عياسيمه
و الحي من عقب خلي مالهم والي
نزل الوطن عقبهم ماعاد له قيمه
قفوبهافوق جمس ٍيقطع اللالي
تسعة وسبعين توه جابتصميمه
مع نقلت الترس حسه يشرح البالي
وراعيه لاداس ابنصه مالحق تيمه
يازين ممشاه عقب الضل مامالي
لابان حزم ٍسرابه يطرد غيمه
من يوم قفو واناكني على الصالي
من فرق الاحباب راد الله مقاسيمه
وتفاختت شوفة الغالين والغالي
ولو انتحى بعد حبه زاد تعضيمه
ماينمحي حب لطف الروح من بالي
لوبالتغلي عليّه زاد تعديمه
راعي جديل ٍعلى الامتان ميالي
والعين عين اشقر ٍتعطب صواريمه
والخد براق مزن ٍيشعل اشعالي
رفعّ عقابه ويبرق في مقاديمه
وجدي عليهم وجود صغيّر ٍمالي
ميتة ٍ امه وزاد اليتم تحطيمه
اوجد من هو غريب عن اسرته جالي
على المراكز مفرقة ٍتعاميمه
ودنياك ماخلت الاول ولا التالي
وين الدجيما ووافي من بعد شيمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين