رفيق الدرب - محمد المفضلي

فقدت اللي يدق الصدر لو أني للخطر باروح
ولا يهون الذي يقراء ومن يسمع لأبياتي

فقدت اللي ليا مني أتاوه قال انا مجروح
ولو بيده يشيل الجرح شاله وقال لا تحاتي

ابد ياخوك روح ريّح وانا بآسد عنك اللوح
لجل ما تلفحك نار العدو وأبقى بحسراتي

فقدت اللي ليا ازعلته تبسم وقال لي مسموح
يهم اني عليه ارضى ويريحه شوف بسماتي

انا ياخوك لك أذنن ولك صدرً رحب مشروح
متى ما ضاق لك خاطر تعال وزعزع اسباتي

ابو يحيى رفيق الدرب يالصاحب وخوي الروح
متى درب السفر يقصر يا مطول الغيباتي

تري شوقي لعب فيني وحره مثل نار تفوح
عليك الله علي عجل قبل لا تنتهي أوقاتي

© 2023 - موقع الشعر