سود الليال أم الغثاء والغرابيل
هني من كبده عليها متينه
يا كثر ما جتبه من الظلم والميل
غاراتها عقب الرخاء والسكينة
كم واحد منها يشوف البهاذيل
ويصبر ويطلب والي أمره يعينه
يرجي عوضها في الليال المقابيل
فكات وقته بين حينه وحينه
أوي والله يالرجال المشاكيل
اللي يشوفون القهر والغبينة
المال بيدين الرخوم المهابيل
والكفو منه خاليات يدينه
ودك رخوم الناس دايم مقاليل
لإن الردي يفسد بدنياه دينه
وكم رجل من خيار الرجاجيل
والطيب حال الفقر بينه وبينه
وأهل النمايم لاحكوا قالوا بخيل
لو إن حلاله عجز ما سد دينه
يطق زوره من هروج الدعابيل
خطاة ثور قاصرشبح عينه
شغله ما غير يجمع القال والقيل
لعل ربي ما يطول سنينه
ضعاف النفوس مدورين المداخيل
على عباد الله سيوف سنينه
أشد حقد من صهاين إسرائيل
أهل القلوب أم الحسد والضغينه
ذكرهم الله في كتابه والإنجيل
بنص الآيات المحكمات المبينة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين